1. დავით ჯანგულაშვილი	სრული პროფესორი (თავმჯდომარე)
2. ვლადიმერ ყანდაშვილი	სრული პროფესორი
3. გიორგი ცაავა	სრული პროფესორი
4. ვაჟა გურგენიძე	სრული პროფესორი
5. დოდო ჯულუხაძე	ასოცირებული  პროფესორი
6. მედეა გელაშვილი	ასოცირებული პროფესორი
7. ზურაბ რობაქიძე	ასოცირებული პროფესორი
8. მერაბ ზედგინიძე	ასოცირებული პროფესორი
9. თამილა ხუციშვილი	ასოცირებული პროფესორი

 

შპს თბილისის უნივერსიტეტის აკადემიური საბჭოს დებულება

პრეამბულა

ეს დებულება აწესრიგებს თბილისის უნივერსიტეტში (შემდგომში უნივერსიტეტი) აკადემიური საბჭოს ფუნქციონირებას. დამტკიცებულია დამფუძნებელთა საბჭოს სხდომაზე.

თავი I

ზოგადი დებულებანი

1.1. აკადემიური საბჭო არის უნივერსიტეტის უმაღლესი წარმომადგენლობითი ორგანო, მმართველი სუბიექტი, რომელიც დამფუძნებელთა საბჭოსთან, რექტორთან და ხარისხის უზრუნველყოფის სამსახურთან ერთად ახორციელებს საქმიანობას განათლების სფეროში;
1.2. აკადემიური საბჭო ხელმძღვანელობს საქართველოს კონსტიტუციით, საერთაშორისო ხელშეკრულებებით, საქართველოს კანონით ,,უმაღლესი განათლების შესახებ”, საქართველოს სხვა კანონმდებლობით, უნივერსიტეტის წესდებითა და ამ დებულებით; 
1.3. აკადემიურ საბჭოში თითოეულ ფაკულტეტს ჰყავს თანაბარი რაოდენობის წარმომადგენელი. მათი რაოდენობა განისაზღვრება უნივერსიტეტის წესდებით;
1.4. აკადმიური საბჭოს წევრის არჩევის ვადა ემთხვევა ძირითადი საგანმანათლებლო საფეხურის ხანგძლივობას, რაც მიეთითება წესდებაში;
1.5. აკადემიური საბჭოს დებულებას ამტკიცებს დამფუძნებელთა საბჭო;
1.6. აკადემიური საბჭო შეიმუშავებს და დამფუძნებელთა საბჭოს დასამტკიცებლად წარუდგენს უნივერსიტეტის წესდებას, შინაგანაწესს, ეთიკის კოდექსსა და დისციპლინარულ პასუხისმგებლობის ნორმებს. 

თავი II

მუხლი 2 - აკადემიური საბჭოს არჩევა:
2.1. აკადემიური საბჭოს წევრები აირჩევიან ფაკულტეტების აკადემიური პერსონალის ყველა წევრისა და სტუდენტთა თვითმმართველობის წარმომადგენლების მიერ უნივერსიტეტის საარჩევნო დებულების შესაბამისად;
2.2. აკადემიური საბჭოს წევრად აირჩევა პროფესორი, გარდა ასისტენტ პროფესორისა;
2.3. აკადემიური საჭოს წევრის არჩევის ვადა ემთხვევა ძირითადი საგანმანათლებლო საფეხურის ხანგძლივობას, რაც მიეთითება წესდებაში;
2.4. აკადმიური საბჭოს შემადგენლობა განახლებას ექვემდებარება 1/3-ით  ძირითადი საგანმანათლებლო საფეხურის დადგენილი ხანგძლივობის ნახევრის გასვლის შემდეგ.

 

თავი III

აკადემიური საბჭოს ფუნქციები და უფლებამოსილებანი:

3.1. აკადემიური საბჭო შეიმუშავებს და დამფუძნებელთა საბჭოს დასამტკიცებლად წარუდგენს უნივერსიტეტის წესდებას, შინაგანაწესს, ეთიკის კოდექსსა და დისციპლინარული პასუხისმგებლობის ნორმებს;
3.2. აკადემიური საბჭო შეიმუშავებს უნივერსიტეტის განვითარების სტრატეგიულ გეგმას და დასამტკიცებლად წარუდგენს დამფუძნებელთა საბჭოს;
3.3. ფაკულტეტების წარდგენით ამტკიცებს სასწავლო და სამეცნიერო-კვლევით პროგრამებს;
3.4. ხელს უწყობს უმაღლესი განათლების ევროპულ სივრცეში ინტეგრაციას, სასწავლო გეგმებისა და პროგრამების, უმაღლეს საგანმანათლებლო დაწესებულებებს შორის თანამშრომლობის მობილობისა და ინგრირებული სწავლების, სამეცნიერო კვლევების პროგრამების შექმნას;
3.5. ამტკიცებს კოეფიციენტებს და სტუდენტთა კონტინგენტს ერთიანი ეროვნული გამოცდებისათვის, აგრეთვე ფაკულტეტებზე მისაღებ სტუდენტთა რაოდენობას ფაკულტეტების საბჭოების წარდგინებით;
3.6. ადგენს სხვა უმაღლესი სასწავლებლების მიერ მინიჭებული აკადემიური ხარისხების ცნობის წესს;
3.7. ფაკულტეტების საბჭოების წარდგინებით ამტკიცებს სადისერტაციო საბჭოს დებულებებს;   
3.8. ადგენს აკადმიური პერსონალის სამსახურში მიღების ერთიან წესს;
3.9. ფაკულტეტის წარდგინების საფუძველზე გადაწყვეტილებას იღებს საპატიო დოქტორის წოდების მინიჭების შესახებ და გასცემს შესაბამის დიპლომს;
3.10. ირჩევს უნივერსიტეტის ბიბლიოთეკის ხელმძღვანელს;
3.11. ხარისხის უზრუნველყოფის სამსახურის წარდგინებით ამტკიცებს სასწავლო და სამეცნიერო-კვლევითი მუშაობის შეფასების წესს.

თავი IV

აკადემიური საბჭოს სტრუქტურა, ძირითადი ამოცანები

მუხლი 4 - აკადემიური საბჭოს სტრუქტურა:
4.1. აკადემიური საბჭოს წევრები აირჩევიან ფაკულტეტების აკადმიური პერსონალის ყველა წევრისა და სტუდენტთა თვითმმართველობის წარმომადგენლობის მიერ  უნივერსიტეტის საარჩევნო დებულების შესაბამისად;
4.2. აკადემიურ საბჭოს თავმჯდომარეობს _ რექტორი;  
მუხლი 5 - აკადემიური საბჭოს ძირითადი ამოცანები:
5.1. უნივერსიტეტის სტრატეგიული განვითარების ძირითადი მიმართულებების გან-საზღვრა და შემუშავება;
5.2. უნივერსიტეტის სამეცნიერო კვლევის, სწავლების პრიორიტეტებისა და პოსტერიორიტიტების განსაზღვრა, რომლის უმთავრესი კრიტერიუმია სწავლებისა და კვლევის ხარისხი;
5.3. სხვა უმაღლეს სასწავლებლების მინიჭებული აკადემიური ხარისხების ცნობის წესის დადგენა. 

თავი V

მუხლი 6 - აკადემიური საბჭოს რეორგანიზაცია და ლიკვიდაცია

აკადემიური საბჭოს რეორგანიზაცია შესაძლებელია არსებული კანონი ,,უმაღლესი განათლების შესახებ~ ახალი რედაქციისა ან ახალი კანონმდებლობის მოთხოვნის საფუძველზე.

აკადემიური საბჭოს დადგენილება